هتجنن من قله النوم

السلام عليكم ورحمه الله وبركاته انا سيده 32 سنه واعانى من 5 سنين من قله النوم ورحت لدكتور نفسى بيدينى علاج يتظبط نومى ويبدا فى تخفيفه من جسمى بالتدريج وبعد ما ابطل العلاج بحوالى كام شهر رجع تانى الموضوع زى الاول والحاله بالظبط يااما انام ساع او اتنين واقوم نص الليل واكمل للصبح وطبعا ببقه هموت من التعب اليوم اللى بعده او ما بنماش من الاول احاول انام ومعرفش وطبعا النتيجه واحده تانى يوم ده بيكون دماربالنسبه ليه طبعا ده غير تعبى الجسمى وتوترى طول اليوم وكمان زاد معايا بتعب جسمى وهو انى عضلات رقبتى بقت على طول متشنجه وده بدا ياثر على ايدى انها وجعانى وساعات بتلرتعش من صوابعى وده كله ماثر على بيتى وجوزى واولادى واخر مره رحت للدكتور من حوالى عشر ايام وطبعا وكالعاده ادانى دواء وهو تربيزول 10 وده باخده من زمان وادانى علشان النوم زوبيكلون وبنام الحمد لله دلوقتى مشكلتى بقه انى خلاص عرفت ان ده مش حل نهائى لحالتى وانها بتتحل مده العلاج واول ما بيتم سحب الدوا من جسمى برجع زى ما كنت هل معنى كده انى اتعودت لدرجه الادمان على المنومات والمهدئات وده هيبقى معايا طول حياتى ولا فيه علاج نهائى للمشكله ديه والله انا حاولت اتقرب من ربنا اكتر واكتر وقولت ممكن ده يكون وساوس شيطان وقله ايمان بس واللله مافى فائده يارب الاقى عندكم حل وعلاج نهائى ويكون موقعكم ده باذن الله سبب فى شفائى وبحل نهائ اسفه على الاطاله وجزاكم الله خيرا