السلام عليكم
انا مش عارف انا بعانى من مرض نفسى ولا ايه
وده من اول ما اخوية الاقرب ليا مات وانا عندى ١١ سنه مات قصادى بشكل وحش وانا مكنتش عارف اعمل ايه غير انا واقف اعيط ولما الاسعاف جت قالت انه مات من غير ميعملوا حاجه
ومن ساعتها وانا خسرت حجات كتير اكتر من اخويا بس خسرت شخصيتى وثقتى بنفسى وحياتى الاجتماعيه وكل حاجه
ومن ساعتها ووالدى مش مدينى اى اهتمام ولا بيعبرنى ولا بيسمعلى كلام لما اكلمه ودايما يحسسنى انى اقل من الناس كلها لغاية ما كرهت نفسى وبقيت احب العزله وميقينش اعرف اتكلم مع حد او افتح موضوع
رغم انى ناجح دارسيا وبدرس فى كلية هندسه
الا انى بتمنى كل يوم اموت قبل اللى بعده
واخويا اللى الكبير اللى يدوبك شبه اعرفه فهو مسافر وانا عندى حوالى ٩ او ٨ سنين ومن ساعتها بينزل شهر كل سنه معظمه بيقضيه مع صحابه او نايم ولا حد عمره سال فيا ولا حس بانى ممكن اكون بعانى من اللى شفته
مريض…؟
0 تعليقات