تشنجات


السلام عليكم ورحمة الله ..
اخي عنده 18 عام .. من فترة اتضايق جامد بسبب مشكلة معينه وحس انه اتخنق و فجاة حدث له تشنجاات صعبة اوووى فمه كان موعوج و اطراف ايده كانت بشكل غريب فوق بعضها وكان من الصعب اننا نفكها وكان عليه عرق غزير كان بيقول انه جسمه منمل ومكنش قادر يتحرك خاااالص ولا حاسس بجسمه حاولت اتصرف معاه لكن الموضوع فشل كان تقريبا حالة تشبه الشلل .. فضلت الحاله اكتر من ربع ساعة احس انه غاب عن الوعي شويه ويرجع تاني لحد ما والدي وداه المستشفي .. اخذ مهدئات و كان ضغطه واطي والحمد لله ربنا عافاه .. فضل بعدها اعصابه واطرافه تترعش فترة .. عملنا تحاليل كاملة وتحاليل غدد ومكنش ف اي مشاكل الحمد لله .. المهم الحالة دي من حوالي 4 شهور .. امبارح كان مزاجه وحش وقال انه مخنوق هو طالب ف ثانوية عامة وطبعا قلق الامتحانات او ما شابه … تكررت الحالة دي مرة اخري لما دخل ينام فضل وقت كبير وبعدين نام حاولت اقول لوالدي مرضاش علشان ميقلقش اللي حواليه .. وقال انه بيحصله كدة بسبب الخنقة والضغط الكبير.. يا تري دلوقتي اسكت ولا لازم نروح لدكتور وهل دي حالة طبيعية او ما سبب هذا ؟؟
ارجو الافادة ضروري


0 تعليقات

لن يتم نشر عنوان بريدك الإلكتروني. الحقول الإلزامية مشار إليها بـ *