أنا عمري 22 سنة .. من حوالي 4 سنين ظهرتلي حالة عبارة عن اني بيجيلي شرقة عنيفة مبقدرش اوقفها .. بتجيلي بصفة دورية كل يوم خصوصا اول اليوم بعد الاستيقاظ مباشرة .. وبتكون مزعجة جدا لدرجة اني مبقدرش امارس حياتي الطبيعية وبضطر اقضي يومي في البيت .. واحيانا بيعدي شهور من غير ما تظهرلي خالص .. كشفت جهاز هضمي وانف واذن وحنجرة وجهاز تنفسي وغدد صماء وكله اجمع اني سليم .. من شهر بالظبط روحت عند دكتور مخ واعصاب ونفسية .. وقالي ان ده بسبب استثارة العصب العاشر او العصب الحائر … وخدت علاج عبارة عن اميبرايد 50 وامبرامين 50 يوميا .. ومن 3 ايام زودلي الجرعة بقت يوميا اميبرايد 100 وامبرامين 25 .. الموضوع اني حسيت بتحسن بنسبة بسيطة .. ولسة الحالة بتجيلي بشكل مستمر وبتبقى مزعجة جدا .. هل الحالة دي فعلا بسبب استثارة العصب المبهم؟؟ ولو لا يبقى ايه التشخيص الاقرب للحالة دي؟؟ .. مع ملاحظة اني مدخن من 4 سنين .. مبطل تدخين من حوالي 6 شهور لكن احساسي دايما ان السجاير بتهديني وقت الحالة ..
استثارة العصب الحائر ..
اهلا بك عمر …………………….
تحدث استثارة العصب الحائر لاسباب عديدة وفي اغلب الاحيان تكون اسباب نفسية كما في حالتك
وللعلم فان الادوية المتوافرة في هذا المجال لم تصل بعد الى المستوى المطلوب للتاثير
ننصحك سيد عمر بضبط انفعالاتك الخارجية وتخفيف الضغوط النفسية من خلال التفكير الايجابي
فهو انفع من العلاج الدوائي والذي كما تدعي كانت استجابتك عليه قليلة
علما بان الحالة البسيطة التي تتظاهر بالفواق فقط تعد من الحالات العرضية والتي طالما تزول بسرعة
بالتوفيق انشاء الله