ارجو المساعدة


انا امراة متزوجة و عندى 31 سنة و تقدر تقول عندى انيميا بسيطة و ضغط واطى تقريبا طول عمرى و انا حاليا اعيش بالخارج بقالى سنتين و نصف
الجديد دلوقتى انى فجاة من حوالى 3 شهور بقى يجيلى صداع مفاجىء مع فقدان القدرة على التركيز و احساس بان رقبتى منتفخة و عايزة انام كأن مخى عمل shut down
و بعدين افضل شوية كده و الحالة تروح لوحدها او اخد مسكن و يروح و بعدين المسئلة فضلت تزيد لحد ما الصداع ما بقاش يروح خالص
و ما بقتش قادرة اتكلم و لا اسمع و لا اركز و لا افتكر حاجة و حتى عينى مش قادرة افتحها و لا احركها من كتر الالم و بقيت نايمة طول النهار و اقوم من كتر الالم فى دماغى
و بعدين فضلت كده اسبوعين و رحت المستشفى و عملولى تحاليل و ادونى ادوية و محاليل و تانى يوم عملت city scan
طلع مفيش حاجة لكن مفيش تحسن فحولونى لمخ و اعصاب و الدكتور كتبلى على كورتيزون مش عارفة ليه لمدة 5 ايام و خلصتوا و بعدين
حالتى بقت اسوا لدرجة ان نص وشى الشمال نمل و عينى الشمال بقت مزغللة و حتى ودانى و بعدين رحت للطوارىء مرة تانية عرضونى على دكتور اعصاب تانى و كشف عليا و دخل فى عينى الشمال منديل لم احس به مطلقا و لم تغمض عينى و عمل نفس الشىء مع عينى اليمين لكنها كانت عادية الحمد لله فطلب منى اعمل اشعة MRI و اعطانى علاج Elavil و حولونى فى نفس الوقت الى دكتور نفسانى لحد معاد الاشعة و قالولى احتمال يكون عندك اكتئاب
لكن انا معنديش اكتئاب لانى بدرس دلوقتى فى مجالى و دى حاجة تسعدنى جدا و الحمد لله امورى كانت كويسة جدا لحد ما مرضت
دلوقتى نتيجة الاشعة طلعت و الدكتور بيقولى ان الاشعة طبيعية و مفيش ورم فى المخ الحمد لله و الدكتور النفسى مش محدد حاجة فى التقرير بتاعه و اعطانى علاج كتجربة لكن انا لم اخذ العلاج لانى اعرف انى ما عنديش اكتئاب و حسيت انه بيجرب فيا هو مش عارف انا عندى ايه بالظبط
المشكلة دلوقتى انى بقى يرجعلى التعب فجاة و يفضل معايا 3 ايام او اكتر و بعدين يروح و انا مش عارفة سببه ايه لدرجة انى قلت اخد العلاج النفسى يمكن يعمل حاجة لكن زودلى الصداع و لما قلت للدكتور قالى انى حفضل كده مصدعة اسبوعين تلاتة و ان فضلت مصدعة اكتر من كده حيغير العلاج
و انا بدرس فى منحة و معنديش استعداد ان حد يجرب فيا بصراحة
يا ريت يا دكتور تقولى اعمل ايه
هو الالم فى راسى فى الاعلى و فى خلفية الراس فى نقطتين وراء العين و الالم كان بيزيد لما احاول اركز لدرجة انى كان عندى امتحان و بقيت اجى على نفسى لحد ما حسيت زى لسع فى دماغى من الخلف و ساعتها اتاكدت ان دى اعصاب لانى كان عندى التهاب فى الاعصاب فى رجلى قبل كده و عارفة يعنى ايه التهاب اعصاب
يا ريت تفيدنى الله يخليك انا مش عارفة اعمل ايه هل دى من الانيميا مثلا و لا الضغط الواطى و لا ايه بالظبط و بعدين من ساعة التعب ده و انا بقيت ناسية حاجات كتيير و بفتكر الكلام بالعافية يعنى باخد وقت عشان افتكر مفردات الكلمات الى عايزة اقولها و حسيت كمان انى فقدت القدرة على التخزين يعنى لازم ابص على نفس الحاجة كذا مرة فى نفس الوقت مش عارفة اعمل ايه و بعدين فكرت اخد صورة من ملفى و اروح لحد يساعدنى لكن طريق العلاج هنا طوييييييل اوى


0 تعليقات

لن يتم نشر عنوان بريدك الإلكتروني. الحقول الإلزامية مشار إليها بـ *