ارجوكم انا حياتي ضاعت

السلام عليكم ورحمه الله وبركاته
اولا يا دكتور اني اعلم ان الشكوة لغير الله مذله ولكن اخشي ان اكون قد اصبت بمرض نفسي وعدم علاجه قد يؤثر عليه خصوصا ان المرض النفسي زيه زي اي مرض تركه اذي لصاحبه
ادخل في الموضوع علي طول يا دكتور حتي لا اطيل علي حضراتكم
انا شاب ابلغ من العمر 25 عاما مصري المفروض اني ملتزم بأدي الصلاة واحفظ كم كبير من القراءن واحفظ خطب كثيرة وانصح اصدقائي بالدين انا ذكرت هذه المقدمه لهدف سوف تعرفوا حضرتك في نهايه الرساله
المهم انا انسان حساس جدا ورمانسي جدا وبزعل من اي حاجه وبشيل من اي سبب وساذج في حياتي علي رأي اصدقائي طيب في افعالي ومن الناحيه الشخصيه انا منطوي جدا وغير عشري خالص وبتكسف من نفسي وخجول جدا وللاسف يا دكتور هذا الانطواء غير مطلوب في الكبر في سني حاليا لانه وصلني الي عدم صله الرحم عشان بتكسف في سني دوت الخامسه وعشرين
المهم يا دكتور هذة ملامح شخصيتي التي ولدت عليها ومررت بها في لحظه الطفوله ادخل في المشكله الاصليه
انا ولدت طفل شكله حلو لحد سن المراهقه 16 وانا شكلي حلو وصحابي كلهم بيحبوني عشان انا شكلي حلو ودمي خفيف الخ يعني بحب الاهتمام
المشكله الاولي التي واجهتني في هذا السن اني طويل وفي نفس الوقت نحيف جدا فكان طولي شكله وحش والكارثه لو واحد قال لي يا طويل اذهب الي البيت واقيس طولي يعني كرهت الطول في هذا السن ولكن يا دكتور بفضل الله علجت هذه المشكله بنفسي مع مر السنين من 16 سنه وان بعاني من الطول ولكن عندما تميت 21 سنه وفي اثناء هذه السنين اهتميت بغذائي وكنت بلعب رياضه جيم لحد لما ظبطت نفسي وبقي اصحابي كلهم نفسهم يبقوا طولي او يطولوا الان انا طولي 188 ووزني 85 جسمي بقي كويس بقيت طول بعرض
ولكن يا دكتور المشكله الاهم انني في الفترة التي كنت بكرة طولي مكنتش بنظر في المرايا ابدا كنت بنظر لوجهي بس لكن طولي كنت بخاف انظر الي المرايا ولكن الكارثه يادكتور فضلت 4 سنين رافض انظر الي المرايا ومكنتش اعرف ان هذه الحاله مرض نفسي ولكن تدهور مع الوقت ظهر شي اخر بدا يطلع في وجهي حب الشباب فبدات اخاف انظر الي المرايا ايضا لوجهي فأعدت فترة طويله رافض انظر الي المرايا عشان شكلي بيبقي وحش بالحبوب والمصيبه ايضا عندما كنت اذهب الي الحلاق مكنتش بنظر الي المرايا وبغمض عينيه ومش بشوف شكلي ولا حتي قصه شعري ولحد الان يا دكتور من سن 21 سنه الي الان 25 سنه
مش بنظر الي شكلي ولا حتي عند الحلاق
ولكن اصريت اتعالج من الحبوب وفعلا اتعالجت وخف نسبه كبيرة منها وبقي شكلي كويس حتي بالحبوب بالباقيه الخفيفه حتي الان
ولكن المصيبه الكبري ان حالتي زادت وبدات احس ان انفي كبرت وتضخمت فرفضت اطلاقا انظر الي اي مرايا ولا في البيت والا عند الحلاق ولا في المواصلات ولا في اي زجاج
ولو نظرت في ملاايا غصب عني او لو وقع شكلي في مرايا غصب عني اتوتر واحس اني مش عجبني شكلي حتب الان والله يا دكتور
مع اني شاب طول بعرض وابيض وشكلي حلو والله
ولكن حالتي ديت يا دكتوروضحت وضوح الشمس عندما تركتني حبيبه عمري واتجوزت
والله يا دكتور كنت بحب الحياه وبحب البس واخرج واهتم بمنظري
ولكن لما تركتني وتزوجت بقيت تافه مليش هدف غير مهتم بمنظري عايش وخلاص
وبقيت اعصي الله كتير بسبب الفراغ مع اني والله يا دكتور كنا بنشجع بعض علي الصلاة وكنا ملتزمين احنا الاتنين وكنت بخاف اعمل اي معصيه عشان ربنا ميخلهاش تكرهني
الختام يا دكتور هي راحت لحالها وانا اصيبت بمرض نفسي وحياتي ادمرت
ارجوك يا دكتور انصحني بالكلام وايضا بالدواء خصوصا اني قرأت كذا استشارة ولقيت دواء حضرتكم كتابتوه للمرضي وهو كبسول بروزاك ولكن قرات عنه لقيت انه في عيوب واضرار كتيره
ارجوك انصحني يا دكتور انا ضائع فعلا مش عارف ايه اللي جرالي
ان كنت سعيد جدا
وجزاكم الله عنا خيرا