ألام فى ركبة أمى (خشونة متقدمة )؟هام


ماما وقعت من 6 سنين فى 5-1- 2009
وقعت على ايديها ورجليها وعندما ذهبت للدكتور ذكرت الالم اللى فى ايديها ولم تذكر الالم اللى فى ركبتها وفى شهر مارس 2009 ركبتها ورمت
وذهبت للدكتور تانى اللى متابعة معاة عشان هى عندها روماتيويد وكانت ركبتها فيها مية
ملاحظة مهمة الدكتور الاولانى اللى راحتة عشان رجليها وايديها غير الدكتور التانى
الدكتور التانى دة اللى ماما متابعة معاه حالتها من زمان عشان ماما عندها روماتويد
المهم
الدكتور سحب من ركبتها المية وبعدها بشهر ركبتها مرة اخرى سحب منها ايضا الدكتور المية من ركبتها
وبعدها بشهر تانى راحت للدكتور وسحب منها المية من ركبتها مرة اخرى
بعد ذلك هى حاسة بالالم اللى فى رجليها
فقالت انها لدكتور اخر
جديد يشوف حالتها لان ماما كانت حاسة بالم شديد فى رجليها
المهم الدكتور الاخر ادى ماما حقنتين كورتيزون
على مدى اسبوعين بعدها حالتها لم تتحسن
فرجعت تانى ماما للدكتور الروماتيويد وعندما كشف على ركبتها
عرف ان الحقنتين دمروا حاجة فى الركبة المهم الدكتور طلب منها اشاعة وقال لها بالحرف وريها للى حقنك
بعدها رجليها تعبانة ومش قادرة تمشى من الالم مش قادرة تحت رجليها فى الارض من الالم وركبتها ورمة
هل مفيش علاج تقدر تتحسن علية هى دولقتى بتعرج هى بتعرج من الالم

بيانات امى
عندها 60 سنة
حالتها الصحية ماما عندها روماتويد من 1990وفى سنة 2000 ماما جالها الضغط والسكر
وبتاخد علاج ومتعايشة مع الروماتويد والسكر والضغط
انما الم الركبة الم شديد عليها بيخليها تعيط من الالم
طول النفس ونفسيتها تعبت
ماما بتحس بحرقان فى رجليها ورجليها مليانة مية
هى عايشة على الالم دة من 6 سنين
اوقات بتتحسن واوقات تانية لا
يا جماعة فى علاج مثلا بالاعشاب لحالة ماما
ويا ريت يا جماعة اى حد يعرف اسم دكتور عظام كويس يا ريت يفيدنا
وجزاكم الله خيرا


0 تعليقات

لن يتم نشر عنوان بريدك الإلكتروني. الحقول الإلزامية مشار إليها بـ *